Т.САЙХАН

Маргааш /04.23/ хөдөлмөрийн салбарын бодлого үйл ажиллагааны талаар “KPI worldshop” хэлэлцүүлэг “Central tower”-т болох гэж байна. Энэ талаар Хөдөлмөрийн холбооны гүйцэтгэх захирал Н.Болор-Эрдэнээс тодрууллаа.

- Хэлэлцүүлгээр “KPI worldshop” хөтөлбөрийг Монголд нэвтрүүлж, хэвшүүлэх талаар ярилцах юм байна. Энэ нь ямар учиртай юм бэ?

-Энэ нь Олон улсын нэршил юм. Аливаа байгууллагын ажилтнуудын гүйцэтгэлийн үнэлгээний түлхүүр үзүүлэлт гэсэн утгатай. Манай хэлэлцүүлэгт “Таван богд”, “Петровис”, “Бридж”  групп зэрэг 40 орчим байгууллагын хүний нөөцийн менежерүүд оролцоно. Бид энэхүү үйл ажиллагаагаар өргөн хүрээтэй асуудлыг хөндөхгүй. Зөвхөн компанийн удирдлагуудын хүсч байгаа түлхүүр үзүүлэлт дээр тулгуурлан туршлага солилцох юм.

-Ямар хүмүүс удирдан явуулах вэ.  Манайд энэхүү хөтөлбөр хэрхэн хэрэгжиж байгаа вэ?

-Маргаашийн хэлэлцүүлгээр яг энэ асуудлыг хөндөж, Монголд хэрхэн хэрэгжүүлж байгаа вэ гэдэгт үнэлэлт дүгнэлж өгөх юм. Үйл ажиллагаанд маань менежментийн  зөвлөх Г.Өлзийбуян, О.Одхүү нар туршлагаа хуваалцахаар болсон.

-Ач холбогдлын тухай тодруулахгүй юу?

-“KPI worldshop” үйл ажиллагаанаас гадна хоёр зүйлийг агуулж байна.  Оролцогч хүний нөөцийн менежерүүдийн чөлөөт уулзалт, хөдөлмөрийн салбарт оруулах хувь нэмрийн хүрээнд хэрэгжиж буй төслийн товч танилцуулга түүнд хэрхэн оролцох талаар санал солилцох болно.

Эх сурвалж:www.polit.mn