С.САРУУЛ
Улаанбурхан өвчний улмаас 50 гаруй хүүхэд хорвоог орхисныг албаныхан хэлж буй. Мөн Засгийн газар болон олон нийтийн дэмжлэгээр энэ төрлийн өвчнийг анагаахад шаардлагатай аппарат, төхөөрөмжийг эмнэлгийн байгууллагуудад хүргүүлсээр байгаа юм. Тухайлбал, АНУ-д амьдарч буй монголчууд 1888 ам. доллар хандивласан бол Д.Дагвадорж аварга болон сайн дурын клубынхан мөнгө цуглуулж эхний ээлжийн төхөөрөмжийг хүргүүлжээ.
Сүүлийн өдрүүдэд улаанбурхан өвчний тархалт буурч байгаа ч эмч, эмнэлгийн ажилтнууд ачаалал ихтэй хэвээр байгаа юм байна. Тиймээс АШУИС-ийн оюутнуудыг бүртгэж /2016.04.21/ энэ сарын 4-өөс ирэх сарын 5-хүртэл ХӨСҮТ-д жижүүрт гаргахаар болжээ. Оюутнуудыг маргааш 18:00 цагт ХӨСҮТ-ийн тасаг нэгжүүдэд хуваарилж, шаардлагатай мэдээллийг өгөх юм.
Эх сурвалж: www.polit.mn