Б.ТУУЛ

НҮБ-ын хүүхдийн эрхийн конивенцид нэгдсэн  улс орнууд өнөөдөр буюу дөрөвдүгээр сарын 30-ныг “Хүүхдийг зодож шийтгэхгүй байх” дэлхийн өдөр хэмээн тэмдэглэдэг билээ.

Хамгийн анх АНУ-д 1998 оны дөрөвдүгээр сарын 30-нд “Хүүхдийг зодож шийтгэхгүй байя!” уриан дор тэмдэглэж эхэлсэн бөгөөд 2001 оноос эхлэн дэлхийн бусад улс орнууд “Хүүхдийг зодож шийтгэхгүй байя” олон улсын өдөр болгон дэлхий нийтээрээ тэмдэглэгдэг болжээ.  Энэ өдрийг угтаж Дорнод аймгийн ХГБХХ-ээс сарын аяныг зохион байгуулж байна. Аяны хүрээнд "Жендэрт суурилсан хүчирхийллээс урьдчилан сэргийлэх нь" сургалтыг зохион байгуулжээ. Сургалтаар тус хэлтсийн дэргэдэх “Хамгаалал клуб”-ын 20 сурагч хамрагдаж, "Үе тэнгийн сургагч"-аар бэлтгэгдсэн байна. Эдгээр хүүхэд  хүчирхийллийн хор уршиг, түүнээс гарах арга замын талаар ЕБС-ийн сурагчдад мэдлэг олгож, нөлөөллийн арга хэмжээ авах аж. Мөн сургууль, цэцэрлэгийн багш нарт сургалт явуулж эхэлжээ.  

Эх сурвалж: www.polit.mn