С.САРУУЛ

“Шударга ёс” эвсэл болон МҮАН-ын бүлгээс гараад удаагүй байгаа УИХ-ын гишүүн Г.Уянга шинэ намын даргаар тодорлоо. Өөрөөр хэлбэл, Г.Уянга хэвлэлийнхний таамгаар  Женко Х.Баттулгын нөөцөлсөн нам гээд байгаа Тусгаар тогтнол, эв нэгдлийн намын даргаар сонгогдоод найм хонож байгаа юм. Тус намынхан хурлаа өнөөдөр /2016.04.18/ хийж, мөрийн хөтөлбөрөө ярилцлаа.  Тэгвэл одоогоор 1000 гаруй гишүүнтэй хэмээн зарлаад байгаа Тусгаар тогтнол, эв нэгдлийн намын  хуралд “томчууд” цөөнгүй очсон нь олон нийтийн анхаарлыг татаад байна. Тодруулбал, УГЗ Амбасэлмаа, Хөдөлмөрийн баатар Г.Хайдав, хуульч, өмгөөлөгч С.Нарангэрэл, УИХ-ын гишүүн Л.Цог, “Херо” Б.Баатар, Х.Цагаанбаатар нар очжээ. Өөрөөр хэлбэл, Хөдөлмөрийн баатрууд,гавъяатууд,намаасаа шахагдсан хүмүүсийн нэгдэл байж магадгүй юм гэж зарим хүмүүс үзэж байна.

Мөн Нарантуулын босс Ш.Сайхансамбууг тус намд элссэн гэх мэдээлэл байна. Яг одоо Пума зочид буудалд Х.Баттулга, Ш.Сайхансамбуу, Г.Уянга нар уулзаж байна гэх мэдээлэл ч гарлаа.

Эх сурвалж: www.polit.mn