Г.ГАНЧИМЭГ

Монголын бизнесийн зөвлөл анхдугаар чуулга уулзалтаа пүрэв гаригт зохион байгуулна. Анх байгуулагдсан цагаасаа эхлэн гишүүн байгууллагуудынхаа бизнесийн орчныг сайжруулахад бүтээлч хувь нэмэр оруулж, хөрөнгө оруулалтыг нэмэгдүүлэхэд идэвх санаачлагатай ажилласаар ирсэн тус ТББ эгнээндээ 230 орчим гишүүн байгууллагатай.

Монголын бизнесийн зөвлөлийн ТУЗ-ийн дарга Б.Бямбасайхан “Манай улсад үйл ажиллагаа явуулж буй бизнесийн байгууллага, мэргэжлийн хүмүүст ирээдүйд өсч хөгжихөд нь хэрэг болохуйц шинэ мэдээлэл, өргөн хүрээний мэдлэг өгөх зорилгоор энэ чуулга уулзалтыг зохион байгуулж байна. Хамгийн гол нь бид энэ уулзалтаараар эдийн засгийн хямралын үе дэх бизнесийн стратеги, шинэ чиг хандлагын талаар хэлэлцэх юм. Үүнээс гадна чуулганаас гарсан зөвлөмж, санамж бичгийг Засгийн газар, улс төрийн намуудад сонгуулиас өмнө хүргэнэ. Ингэснээр дараагийн Засгийн газар анхаарвал зохих бизнесийн салбар, тулгамдаж буй гол асуудлын талаарх төсөөлөлтэй болно” гэв.

Эх сурвалж: www.polit.mn