Г.ГАНЧИМЭГ

Сэтгэл судлалын шинжлэх ухаан  аль ч цаг үед тэргүүлэх шинжлэх ухааны нэг байсаар ирсэн. Гэвч монголчууд ажил амьдралд нь асуудал бэрхшээл тулгарахад сэтгэлзүйчид хандахаасаа илүү бөө, ламыг шүтдэг нь нууц биш. Энэ нь хүний хөгжил, түүний сэтгэц-ухамсрын асуудлыг бүрэн төгс тайлбарласан эрдэмтний үзэл баримтлал байхгүй, маргаан дагуулсан хэвээр байгаатай холбоотой юм.

Тэгвэл энэхүү хоосон орон зайг нөхөхөөр МУБИС-иас эрхлэн гаргаж буй “Сэтгэл судлалын онол арга зүй” сэтгүүлийн анхны дугаар өнөөдөр “мэндэллээ”. Сэтгэл судлалын эрдэмтэн, судлаач, бүх шатны сургуулийн багш, сурган хүмүүжүүлэгч, залуу үеийг өсгөн хүмүүжүүлж буй эцэг эхчүүдэд зориулсан уг сэтгүүл иргэдийн сэтгэл зүйн боловсролыг дээшлүүлэх зорилготой юм.

Энэ салбарыг эрчимтэй хөгжүүлэх нийгмийн хэрэгцээ, шаардлага ихэсч буйг  эрдэмтэн судлаачид хэлж байна. Тухайлбал, монгол хүний сэтгэл зүйн онцлог, түүний нийтлэг болон өвөрмөц шинж, оюуны хөгжлийн ерөнхий төвшин, зан үйлийг судлан тодорхойлох, тэдгээрийг нэг мөр болгож нэгдмэл үзэл санаанд хүрэх хэрэгтэй байгаа аж.

Эх сурвалж www.polit.mn