Ц.БАЯР

Дөнгөж төрөөд улаан бурханы вакцинд хамрагдах ёстой  найм сар ч хүрээгүй нялх үрс  эл өвчний вируст өртөх нь нь өндөр байгаа тухай эмч нар мэдээлж байна. 2016 он гарсаар нийт улаанбурхан  өвчнөөр 59 хүүхэд энджээ. Нас барсан хүүхдүүдийн 76.2 хувь нь 0-8 сартай буюу вакцин тариулах нас болоогүй хүүхдүүд  байжээ. Мөн улаанбурхны халдвараа даалгүй эндсэн хүүхдүүдийн 70 хувь нь архаг, хавсарсан өвчтэй байсныг ХӨСҮТ-өөс тайлбарлалаа. Өнөөдрийн байдлаар  улаанбурхны оноштойгоор хэвтэн эмчилгээ хийлгэж буй  700 гаруй хүн байна. Харин улаанбурхны халдвар нь хүндэрсэн 22 хүүхэд ХӨСҮТ-ийн эрчимт эмчилгээний тасагт, үүнээс хоёр нь зохиомол амьсгалын аппарт зүүжээ. БНХАУ-аас гаралтай улаанбурхны халдвар Монгол Улсад өнгөрсөн онд дэгдэж, одоог хүртэл намжихгүй байгаа юм байна. “ Урьд өдөр нь уушиг нь зүгээр байсан хүүхэд нэг хоногийн дотор уушиг нь устаж үхэлд хүргэх хэмжээнд хүргэж байна. Энэ нь уг вирус эмнэл зүйн хувьд хоруу чанар өндөр маш хурдан тархаж буй шинэ маягийн вирус. Тиймээс бидний зүгээс байнгийн 24 цагаар  жижүүрлэж эмчилгээг тасралтгүй хийж  эмчилж байна ” гэж ХӨСҮТ-ин Эрчимт эмчилгээний тасгийн их эмч Ц.Чинбаяр өнөөдөр /04.15 / ЭМСЯ-нд улаан бурхан өвчний талаар хийсэн мэдээллийн үеэр  онцолж байна. Цаашид энэ өвчнийг бууруулах эрчийг сааруулах талаар ЗГ болон яамнаас олон төрлийн арга хэмжээ авч байна. Нийтдээ 350 гаруй сая төгрөгийн вакцин,  багаж тоног төхөөрөмж, хангалт хийгээд байна гэж ЭМСЯ-ны Төрийн нарийн бичгийн дарга С.Ламбаа хэлсэн.

Эх сурвалж:polit.mn