С.САРУУЛ

Өнгөрсөн намар Хүнс, хөдөө аж ахуйн сайд Р.Бурмаагийн өргөн барьсан “Халхгол” чөлөөт бүс байгуулах тухай 75 дугаар тогтоолыг баталсан. Батлагдсанаас хойш нутгийн иргэд болон улстөрчдийн халуухан сэдэв болж маргаан мэтгэлцээн дунд өрнөөд байсан энэхүү тогтоолыг Байгаль орчин, хүнс, хөдөө аж ахуйн байнгын хорооны хурлаар хүчингүй болгож, УИХ-аар батлуулахаар болжээ. Халхголын ХАА-н чөлөөт бүс нь Буйр нуурын зүүн, зүүн урд эргээс эхлэн Сүмбэрийн баруун, хойд талаар үргэлжлэх 50 км өргөн, 100 км урт том нутаг дэвсгэрийг хамарч байгаа бөгөөд чөлөөт бүсийн хилийн цэсэнд Халх гол сумын 260 өрх айлын 980 иргэний өвөлжөө бууц, малын бэлчээр болон тариа тарьдаг эзэмшил газар багтсан байсан юм. Мөн хилийн бүсээс 500 метрээс дотогш, нутгийн гүн рүү чөлөөт бүсийн хуулиар зохицуулсан, гадаадын иргэд олноор амьдарсан, онцгой дэглэм тогтоох нь үндэсний аюулгүй байдалд ноцтой хохирол учруулна гэж үзсэн байна.

Эх сурвалж: www.polit.mn