Ц.БАЯР

Завхан аймгийн Улиастайг Улаанбаатар хоттой хатуу хучилттай замаар холбох ажил 2013 онд эхэлсэн. Тендерт “Тэнгэр -Уул” компани шалгарч 67 км хатуу хучилттай авто замын ажлыг  38 тэрбум төгрөгт багтаан хийхээр  болсон. Санхүүжилтын тал нь болох 17,3 тэрбум төгрөгийн замын ажил хийгдэж үлдсэн ажлыг концессийн гэрээгээр гүйцэтгэж замыг дуусгах ёстой.Одоогоор замын ажил зогсоод байгаа юм байна. Учир нь өчигдөр хуралдсан Засгийн Газрын хуралдаанаар Завханы  Улиастайн чиглэлийн замыг олон улсын зээл тусламжаар тавих боломжтой гэж үзээд концессоос  хасчээ. Харин Алтай-Дарви чиглэлийн 98 км, Баянхонгор-Алтай чиглэлийн 129,4 км, Баянхонгор-Алтай чиглэлийн 126,7 км, Тосонцэнгэлийн 4 замын уулзвар-Нөмрөг-Сонгино чиглэлийн 167 км, Мандал сум Зүүнхараа чиглэлийн 15,8 км хатуу хучилттай авто зам төслүүдийг концессийн гэрээгээр гүйцэтгэхээр боллоо. Мөн Засгийн газрын өчигдрийн ээлжит хуралдаанаар бүтээн байгуулалттай холбоотой хэд хэдэн чухал асуудлыг хэлэлцсэн байна. Үүн дотор олон жил хүлээгдсэн, эдийн засгийн ач холбогдолтой хэд хэдэн станцын асуудлыг хөндөж, зарим нэгийнх нь хөрөнгийг шийдвэрлэсэн байна.Үүүний нэг нь Эгийн голын усан цахилгаан станц төслийн санхүүжилтийг шийдлээ.БНХАУ-ын Засгийн газрын хөнгөлөлттэй зээлийн эх үүсвэрээр Эгийн голын усан цахилгаан станц төслийг санхүүжүүлэх саналыг БНХАУ-ын талд тавьж, хэлэлцээ эхлүүлэх нь зүйтэй гэж тогтлоо.

Эх сурвалж:www.polit.mn