С.САРУУЛ

Нийслэлийн Баянзүрх дүүргийн 25 дугаар хорооны нутаг дэвсгэрт байрлах Капитрон банкны салбарт зэвсэглэсэн этгээдүүд халдан, зэвсэг ашиглан 20 сая орчим төгрөгийн дээрэмдсэн хэрэг өнгөрсөн баасан гаригийн оройн 20:40 цагийн орчимд гарчээ. Тус хэрэгт эрүүгийн хэрэг үүсгэн БЗД-ийн цагдаагийн хоёрдугаар хэлтэс  шалгаж байгаа юм байна. Мөн гэмт этгээдийг олж тогтоосон ч баривчилж чадаагүй, дээрэмдсэн мөнгийг олсон, 30 гаруй насны эрэгтэйг эрэн сурвалжилж байгааг цагдаагийн байгууллагаас мэдээлллээ. Харин Капитрон банкны зүгээс "2015 оны 3 дугаар сарын 7-ны өдөр 20 цагийн орчим Баянзүрх дүүрэгт байрших Капитрон банкны “Сандэй” салбарт, галт зэвсэг ашигласан халдлага хийхийг завдсан хэрэг гарсан. Банкны хамгаалалтын ажилтан өөрийн ажил, үүргийг мэргэжлийн түвшинд гүйцэтгэсний үр дүнд энэхүү гэмт хэргийг таслан зогсоож, хэрэг гарах үед салбар дээр ажиллаж байсан ажилтнуудын эрүүл мэндийг хамгаалан, мөнгөн болон эд хөрөнгийн хохирол гарахаас урьдчилан сэргийлж чадсан байна. Цагдаагийн газар хэргийн ул мөрийн дагуу ажиллаж байна. Цагдан сэргийлэх ажлын явцад гарах нэмэлт мэдээллийг Та бүхэнд цаг тухайд нь мэдээллэх болно" гэх мэдэгдэл гаргажээ.

Эх сурвалж: www.polit.mn