Ц.БАЯР

Өнгөрсөн онуудад Аргаль угалз, тэх, гадаадад гаргах идлэг шонхорын тоо толгойг үндэслэлгүйгээр нэг дахин нэмж агнах зөвшөөрлийг өгсөн нь тухайн амьтны амьдрах чадвартай тоо толгой, нөхөн үржлийн хувь хэмжээ, байршил, нутаг дахь аюул, дарамт зэргийг тооцохгүй байгаа нь уг амьтан устаж үгүй болохын дохио гэдгийг МБОИЗ-ийн тэргүүн С.Дамдинсүрэн мэдээлж байна. Өнгөрсөн онд тусгай зориулалтаар 28 Аргаль Угалз, 41 Тэх агнах зөвшөөрлийг БОНХЯ өгч байсан бол энэ онд Аргаль Угалз, Тэхийн тоо толгойг тус бүр 20-оор нэмэгдүүлсэн нь өмнөх жилүүдийнхээс нэг дахин өсчээ. Нэг жилийн дотор олзворын агнуурыг ийм огцом  нэмэгдүүлж болохгүйг мэргэжитнүүд анхааруулжээ. Учир нь Аргаль Угалз, Тэхийн эвэр жилд дунджаар 2,5 см орчим нэмж ургадаг. Тиймээс агнуурын менежментийн төлөвлөгөө, нөөц тогтоолтыг шинжлэх ухааны үндэслэлтэй хийх нь чухал ажээ. Хувийн  аж ахуй нэгжийн  захиалга, хөрөнгөөр хийгдэж буй нөөц тогтоолт нь  ховор ан агнуураар бизнес хийх явдлыг өөгшүүлж байна гэж  “Зэрлэг  ан амьтан хамгаалах нийгэмлэг”-ийнхэн үзэж байна. Мөн Улсын Тусгай хамгаалалтад байдаг Говь-Сүмбэр аймгийн Чойрийн Богд ууланд “ Влук Монгол” компанид хоёр толгой Аргаль Угалз агнах зөвшөөрөл олгосныг цуцлах хэрэгтэйг онцолж байна. Түүгээр ч зогсохгүй Ирвэс судлах нэрээр бизнесийн үйл ажиллагаа эрхэлдэг “ Экологи Шим мандал нийгэмлэг”-ийг үйл ажиллгаагаа зогсоохыг  амьтан ургамлыг хамгаалах дэлхийн өдрийн үеэр МБОИЗ-өөс шаардсан байна.

Эх сурвалж:www.polit.mn