Барилга байгууламжын аюулгүй байдал “Хүний төлөө- Зөв тус” сарын аян эхэллээ

Нүүр

Геополитик

Барилга байгууламжын аюулгүй байдал “Хүний төлөө- Зөв тус” сарын аян эхэллээ

2015-03-02

Нийтэлсэн: Админ

1 мин

ХУВААЛЦАХ

ЖИРГЭХ

Ц.БАЯР

Өнгөрсөн онд барилгын салбарт хөдөлмөр аюулгүй ажиллагааг мөрдөөгүйгээс 65 хүн осолдсон байна. Үүний 26 нь үйлдвэрлэлийн ослоор буюу өндрөөс унаж нас барсан бөгөөд ослын 50 орчим хувийг эзэлж байна. Өндрөөс эд зүйл унасан, тоног төхөөрөмжийн бүрэн бүтэн байдал муу, ажилчдын аюулгүй ажиллагааны мэдлэг дутмаг, цахилгаанд цохиулах, түлэгдэх зэргээс болж хөдөлмөрийн чадвараа алдагсад үлдсэн хувийг эзэлж байна. Сарын дараа барилгын салбарт бүтээн байгуулалтын ажил ид өрнөх учраас дээрх ослуудаас урьдчилан сэргийлэх үүднээс МХЕГ, БХБЯ хамтран барилга байгууламжийн аюулгүй байдал “Хүний төлөө- Зөв тус” сарын аяныг өнөөдрөөс эхлүүлж байна. Барилга, өргөх байгууламж, эрчим хүч, зам тээвэр, уул уурхай, газрын тос зэрэг дэд бүтцийн салбаруудын удирдах ажилтнуудын хариуцлага, сахилга батыг дээшлүүлэх, барилгын чанар аюулгүй байдлыг хангуулах, гарч буй осол аваараас урьдчилан сэргийлэх, зөвлөн туслах, зорилгоор энэхүү сарын аяныг эхлүүлжээ.

Аяны нээлт “Шангрилла” зочид буудлын барилгын төслийн талбайд болж МХЕГ-ын дэд дарга Ю.Галсан, Б.Эрдэнэбилэгт, Нийслэлийн мэргэжлийн хяналтын газрын дарга Л.Эрдэнэчулуун болон холбогдох хяналтын газар, хэлтсийн удирдлага, улсын байцаагчид, “Эм Си Эс проперти” компанийн инженер, техникийн ажилтнууд оролцлоо. Энэ үеэр аюулгүй ажиллагааны хувцас хэрэглэл, хамгаалах бүс, дуу, доргио, тоос шороо хэмжигч багаж хэрэгслийг танилцууллаа. Одоогоор Монголын барилгын компаниудад хөдөлмөр аюулгүй ажиллагааны багаж хэрэгсэл дутмаг, аюулгүй, эрүүл ахуйн сургалт сурталчилгаа тогтмол явуулаагүйгээс эрсдэл дагуулсаар байгааг аяны нээлтийн үеэр мэдээлсэн. Энэ аяны хүрээнд Нийслэлийн Мэргэжлийн хяналтын газраас барилга болоод дэд бүтцийн салбарт үйл ажиллагаа явуулж байгаа аж ахуй нэгж, иргэдийн дунд аюулгүй ажиллагааны сургалтыг хэд хэдэн удаа зохион байгуулж зөвлөн туслах үйлчилгээг үзүүлэх юм байна. “Шангрилла” төслийн барилгын талбайд энэ үйл ажиллагааг сонгон зохион байгуулж буй нь Монголд хэрэгжиж буй томоохон төслийн нэг. Барилгыг сүүлийн үеийн технологоор барьж байгаа ажээ. Энэ төсөлд 1500 гаруй хүний цагийн хөдөлмөрийн аюулгүй байдлыг хангаж ажиллаж байна.

“Эм Си Эс проперти” компанийн Хөдөлмөр аюулгүй байдал, эрүүл ахуйн менежер Ц.Баттогтох: Мэргэжилгүй, дадлагагүй ажилчид олон байгаа нь эрсдэл үүсгэж байна

- Барилгын салбарт эрсдэл үүсээд байгаа гол шалтгаан нь манай барилгын салбар эрчтэй хөгжиж байгаагийн хэрээр үүнээс улбаалаад боловсон хүчний болоод, уламжлалын тасалдал үүссэн. Нөгөө талаас хэт бизнес хөөж мэргэжлийн удирдлага дутаж, мэргэжилгүй, дадлаггүй ажилчид олноороо орж ирснээс эрсдэл үүсч байна. Олон нийтийн зүгээс барилгын салбарыг их эрсдэл дагуулж буй мэтээр ойлголт байдаг. Мэргэжлийн удирдлага, боловсон хүчнээр хангагдсан газарт хөдөлмөр аюулгүй ажиллагааны зөрчил бага байдаг. Зөвлөн туслах үйл ажиллгааг явуулахад мэргэжлийн хяналтын байцаагчид хүрэлцдэггүй. Барилгын 2000 гаруй салбар ажиллаж байна. Зарим компанийн удирдлага манайхаас зөвлөгөө тусламж хүсдэг. Компаниудын хамтын ажиллагаа чухал.

Аюулгүй ажиллагааны журмыг мөрдөж ажиллаагүй аж ахуйн нэгжийн тусгай зөвшөөрлийг цуцлана

Сарын аяныг үйлдвэрлэлийн осол гарч буй салбаруудад зохион байгуулах ажээ. Ингэснээр аж ахуйн нэгж, байгууллагуудын дотоод хяналт, ажлын хариуцлага, сахилга бат дээшилж, болзошгүй осол аваар, эрсдэл, гэмтлээс урьдчилан сэргийлэх нөхцөлийг бүрдүүлэх юм байна. Энэ хугацаанд аюулгүй ажиллах нөхцөл хангагдаагүй аж ахуйн нэгж, байгууллагуудад зөрчлөө арилгах хугацаатай үүрэг даалгавар өгнө. Удаа дараа зөрчил гаргасан, өгсөн үүрэг даалгаврыг биелүүлээгүй, аюулгүй ажиллагааны журмыг мөрдөж ажиллаагүй аж ахуйн нэгж байгууллагуудын тусгай зөвшөөрлийг цуцлах юм байна.

Эх сурвалж:www.polit.mn

Барилга байгууламжын аюулгүй байдал “Хүний төлөө- Зөв тус” сарын аян эхэллээ

Бидний зовлон үүнд байна

Б.Жаргалсайхан: Бензин олдохгүй бол машинаа хая, нэг удаа явган ирээд фестивалиа үзчих

Г.Дамдиннямыг дарамтлаад зуныг барлаа, Б.Найдалаадаа найдаад өвлийг угтана даа хэдүүлээ?

Н.Учрал эдийн засаг, О.Цогтгэрэл улс төр ярив

Эмгэнэл

ЦЕГ: Монгол иргэнийг автомашинаар дайрч хөнөөсөн хэрэгт гадаадын хоёр иргэнийг саатуулан шалгаж байна

А.Үйлстөгөлдөр: Улс орон бүр тууштай бодлого баримтлан, харилцан ойлголцож, хамтран ажиллах хэрэгтэй байна

Орхон аймгийн Засаг дарга тэргүүтэй албан тушаалтнууд “Будда вилла”-гийн 82 захиалагчийн хохирлыг хариуцах уу?

Лидергүй АН

Шатахуун импортлогчдыг сонсголоор “шүүе”