
С.САРУУЛ
Монголын Хөлбөмбөгийн холбооны их хурлаар тус холбоог ирэх дөрвөн жилд удирдах Ерөнхийлөгчийг сонгожээ. Сонгуульд улс төр, эдийн засаг, урлаг соёл, бизнесийн салбарынхан нэр дэвшсэнээс сүүлийн шатанд Монгол Улсын Ерөнхийлөгчийн зөвлөх А.Ганбаатар, Худалдаа хөгжлийн банкны гүйцэтгэх захирал Б.Мэдрээ нар үлдсэн байна. Хуралд оролцсон 52 гишүүнээс 29 гишүүний саналаар МХБХ-ны Ерөнхийлөгчөөр А.Ганбаатар сонгогдсон байна.
А.Ганбаатар нь өмнө нь МХБХ-ны дэд ерөнхийлөгчөөр ажиллаж байсан, одоо Монгол Улсын Ерөнхийлөгчийн зөвлөхөөр ажилладаг юм байна. Сэтгүүлч, олон нийтийн харилцаа судлаач, эрхзүйч мэргэжилтэй. АНУ-ын Индианагийн их сургуульд мастер хамгаалсан. Англи, Герман, Орос хэлтэй гэнэ.
Эх сурвалж: www.polit.mn