С.САРУУЛ

Монгол Улсын Үндсэн хуульд заасан бүрэн эрхийнхээ хүрээнд  Монгол Улсын Ерөнхийлөгч Ц.Элбэгдорж  зарим хүнд уучлал үзүүллээ. Татвар төлөхөөс зайлсхийсэн хэргээр ял эдэлж байсан АНУ-ын иргэн Жастин Капла, Бүгд найрамдах Филиппин улсын иргэн Кристобал Ж.Дэвид, мөн улсын иргэн Хилармон В.Кажуком ЖР нарт уучлал үзүүлсэн юм. Мөн Филиппин Улсын Ерөнхийлөгчийн зүгээс Монгол Улсын Ерөнхийлөгчид хандан иргэддээ уучлал үзүүлж өгнө үү гэсэн хүсэлтийг тавьж байсан юм. Тэгвэл Монгол дахь Америкын худалдааны танхимаас Ерөнхийлөгчийг Жастин Капла, Хиларион Кажуком Жр болон Кристобал Дэвид нарт уучлал үзүүлсэн явдалд талархлаа илэрхийлсэн мэдэгдэл гаргажээ.  Тус мэдэгдэлд, гадаадын зарим бизнес эрхлэгчийн хилээр гарах эрхийг хязгаарласны улмаас бусад олон ажил хэрэгч хүмүүс  Монгол руу зорчих болон Монголд бизнес эрхлэхээс татгалзаад байгаа үед энэхүү уучлалыг үзүүллээ. Ил тод, шударга шүүхийн систем нь ямар ч ардчилсан нийгмийн тулгын чулуу бөгөөд нээлттэй чөлөөт эдийн засгийг бий болгоход чухал үүрэгтэй. Монгол  Улсын болон гадаадын иргэдийн хилээр гарах эрхийг хаан боогдуулж байгаа тохиолдлууд нь мөн нэн даруй анхаарал хандуулах ёстой асуудал болоод байгаа юм. Монгол нь эдийн засгийн өсөлтийг дэмжих, АНУ болон Монгол Улс хоорондын худалдаа, эдийн засгийн харилцааг хөгжүүлэхийн төлөө идэвхтэй ажиллаж байна гэжээ. 

Эх сурвалж: www.polit.mn