Ц.БАЯР

Сар шинийн баяраар Гандантэгчинлэн хийд “Алтан Ганжуур” номоо айлддаг. Өнгөрсөн цагаан сараар “ Алтан Ганжуур” номыг нэг удаа уншуулахад арван мянган төгрөг байсан бол энэ жил 20 мянган төгрөг болж нэг дахин нэмэгдсэн байна. Гэр бүлдээ  нэг удаа уншуулсан байхад тэр жилээ даадаг гэдэг. Тиймдээ ч уг номыг шинийн 15-нд багтаан уншуулах гэсэн сүсэгтэн олны урт дараалал Гандангийн хашаанаас гарч тэднийг бухимдуулж байв. Мөн “Маанийн ерөөл”,  “Оройн ерөөл”  “Цэнд ”,  “ Цагаан шүхэрт”, “ Хийморийн сан”  зэрэг бусад номны үнэ  800 төгрөгийн үнэтэй болсон байлаа. Энэ нь өмнөх жилийнхээс  200-300 төгрөгөөр нэмэгдсэн ажээ. Гандантэгчинлэн хийд буяны байгууллага гэдгээр татвараас чөлөөлөгдсөн байдаг. Тиймээс сүсэгтэн олны сүжгээр өгөх зүйлд тариф тогтоох нь буруу юм гэж тэнд байсан сүсэгтэн олон ярьж байсан. Гэтэл уншилтын тариф  жил ирэх бүр  өссөөр байгаа хэрнээ орчин нөхцлийг нь сайжруулах урьдчилсан захиалга авах  цахим хэлбэрт шилжүүлж болох зүйлийг төв Гандан санаачилж болох юм. Сүсэгтэн олны мөнгийг үүнд зарцуулах хэрэгтэйг тэд  хүсч буй нь тодорхой. 

Эх сурвалж.www.polit.mn