Ц.БАЯР

Засгийн газар "Rio Tinto" групптэй "далд уурхайн зээлийн нөхцлийг сайжруулах" хэлцэл хийж байгаа гэж “Оюу Толгой"-ийн ТУЗ-ийн гишүүн Ч.Отгочулуу мэдэгдлээ. Харин УИХ-ын дарга З.Энхболдын хэлснээр " Хэтэрсэн хөрөнгө оруулалтыг яах вэ гэдэг асуудлыг одоог хүртэл шийдэж чадахгүй байгаа " юм. Хөрөнгө оруулагчийн танилцуулсан ТЭЗҮ-ээр далд уурхайн бүтээн байгуулалтад 4.9 тэрбум ам.доллар шаардлагатай байгаа бөгөөд бүтээн байгуулалт зогсохоос өмнө нийт 500 сая ам.долларыг зарцуулжээ. Харин Европын Сэргээн Босголтын Банк тэргүүтэй олон улсын 15 банк өнгөрсөн оны эцэс хүртэл зээл олгох баталгаа гаргасан юм. Эх сурвалжийн мэдээллээр банкуудын зүгээс татварын орчноо тогтворжуулах шаардлага тавьжээ. “Rio Tinto"-ийн тооцооллоор энэ оны эхний хагаст гүний уурхайн бүтээн байгуулалт сэргэвэл тус уурхай 2019 оноос өгөөжөө өгч эхлэхээр байгаа аж. Харин УИХ-ын дарга "Rio Tinto групп энэ оны сүүлээр ажилдаа орно гэж мэдэгдсэн" талаар хэлсэн юм.

Эх сурвалж:www.polit.mn