
Т.ДАЛАЙ
BBC-гээс зохион байгуулдаг дуурийн дуучдын “Cardiff Singer of the World” тэмцээнд гавьяат жүжигчин Э.Амартүвшин эх орноо төлөөлөн оролцож байгаа билээ. Өчигдөр Лондон хотноо шилдэг 20 дуучны нэрсийг зарласан бөгөөд манай дуучин багтаж чадлаа. Шилдэг дуучдын тоонд Монголоос гадна Уэлс, Франц, Итали, Малта, Норвеги, АНУ, Өмнөд Солонгос, Беларусь, Украйн, Турк, ӨАБНУ-ын дуучин багтсан юм. Авьяастнуудыг хайх уралдаант шалгаруулалт өнгөрсөн жилээс эхэлсэн бөгөөд гурван шүүгч есөн хотод ажиллаж шилдгүүдийг шалгаруулжээ. Энэхүү тэмцээний сүүлийн шатны шалгаруулалт Сайнт Дэвид Холлд зургадугаар сарын 14-21-ний хооронд болох юм байна.
Эх сурвалж:www.polit.mn