Ц.БАЯР

Урт нэртэй хууль хэрэгжих болнсоор энэ хуульд хамааралтай 395 компанид улсаас нөхөн төлбөрт хоёр их наяд төгрөг төлөхөөр байжээ. Гэвч  хуулийг хэрэгжүүлэх журамд нэмэлт өөрчлөлт оруулснаар энэхүү нөхөн төлбөрөөс улс зайлсхийх боломж байгааг Уул уурхайн яамны газрын дарга Б.Батхүү хэлсэн. Гол мөрний урсац бүрэлдэх эх, усны сан бүхий газрын хамгаалалтын бүс ойн санг гурван бүсэд хувааснаар тухайн бүсэд хайгуул, олборлолт хийх зөвшөөрөлтэй компани нэг мод огтолбол 10 мод тарих зэргээр нөхөн сэргээлтэд нэлээн чанга өөрчлөлтийг оруулж өгчээ. Уг хуульд “ Уул уурхайн үйлдвэрлэлээс нөхөн сэргээлт хийгдэлгүй орхигдсон газруудад тооллого явуулж, нөхөн сэргээх ажлын зардлын үнэлгээ, тооцох аргачлалыг Засгийн газар тогтооно”, “хуулийн 4.1 дэх хэсэгт заасан хилийн заагт хамрагдаж байгаа тусгай зөвшөөрөл эзэмшигчид хуулийн дагуу эвдэрсэн газрын нөхөн сэргээлтийг бүрэн хариуцна” гэсэн заалт нэмэхээр хуульд тусгажээ. Ингэснээр улс нөхөн төлбөр төлөхгүй байх боломжтой болж байгаа аж. Мөн хуулийн  4.5 дахь хэсгийн “хайгуулын болон ашиглалтын тусгай зөвшөөрөл олгохгүй” гэснийг “хайгуулын тусгай зөвшөөрөл шинээр олгохгүй” гэж өөрчлөхөөр тусгасан байна.

Эх сурвалж:www.polit.mn