С.САРУУЛ

Улаанбаатар хотын Замын цагдаагийн газрын МШУЗХ дээр урд шөнө 305 дуудлага хүлээн авснаас зам тээврийн ослын  271 дуудлага бүртгэгдсэн байна. Тухайлбал:  БЗД-ийн нутаг Шар хадны зам Эрдэнэтолгойн автобусны буудлын замд Т.Pruis  маркийн авто машины жолооч Б нь H.Grandeur  маркийн авто машинтай мөргөлдөж   гурван  хүн хүнд гэмтсэн байна. Мөн зам тээврийн осолд зургаан хүүхэд өртсөн бөгөөд согтууруулах ундаа хэрэглэсэн үедээ тээврийн хэрэгсэл жолоодсон 66 жолоочийг журамлажээ. 

Хүүхэд зам тээврийн осолд өртөх явдал нэмэгдсээр байна. Иймд эцэг эхчүүд хүүхэддээ тавих хараа хяналтыг сайжруулах, бага насны хүүхдийг харгалзах хүнгүйгээр замын хөдөлгөөнд оролцуулахгүй байх, тээврийн хэрэгслээр тээвэрлэх бол хүүхдэд зориулсан хамгаалах суудал, хамгаалах бүсийг нь зүүлгэж хэвшүүлэх шаардлагатай байна. Хүүхдийг зам тээврийн ослоос урьдчилан сэргийлэхэд эцэг эхийн үүрэг оролцоо хамгийн чухал байдаг. Гэтэл эцэг эхчүүд өөрсдөө хүүхдийнхээ дэргэд дүрмээ зорчиж буруу үлгэр дуурайлал үзүүлж байгаа нь харамсалтай юм.  Иймд хүүхэд дээ зөв үлгэр дуурайлал үзүүлэх, хэрхэн аюулгүй замын хөдөлгөөнд оролцох талаар нь байнга хэлж зөвлөж байхыг цагдаагийн газраас анхааруулж байна.

Эх сурвалж: www.polit.mn