С.САРУУЛ

Баярын өдрүүдэд  нийслэлийн хэмжээнд объектын гал түймрийн 61 дуудлага ирж нийслэлийн Онцгой байдлын газрын Аврах гал унтраах ангиудын бүрэлдэхүүн  шуурхай ажиллаж унтраажээ.  Аюулт үзэгдэл, техникийн холбогдолтой ослоос 28  хүний амь биеийг аварч, гал түймэрт түлэгдэж гэмтсэн нэг хүнд эмнэлгийн анхан шатны тусламж үзүүлэн эмнэлгийн байгууллагад хүргэж, гал түймрийн аюулд өртөж  нас барсан нэг  хүний цогцосыг  цагдаагийн байгууллагад шилжүүлсэн байна.  Тодруулбал Баянгол дүүргийн 23 дугаар хороо, Зүүн Ард аюушийн наймдугаар гудамжинд таван ханатай гэр шатаж Аврах гал унтраах 10 дугаар ангийн гал унтраах тасгийг очиход галд 97 настай эмэгтэй өртөж нас барж, 28 настай эмэгтэй түлэгдсэн байжээ. Амралтын өдрүүдэд гарсан объектын гал түймрийн 61 удаагийн дуудлагын  50 хувийг ил задгай хогийн цэг, орон сууцны хогийн сувагт  хог шатсан дуудлага эзэлж байгаа юм байна.  Иймд ил задгай хог хаяхгүй байхыг НОБГ-аас анхааруулж байна.  Мөн Тэрэлжээс таван км зайд шинээр баригдаж байгаа ШТС-н орчим 37 настай, эрэгтэй Б төөрсөн гэсэн мэдээллийг 23:20 үед  өгснөөр Налайх дүүргийн Онцгой байдлын хэлтсийн Аврах гал унтраах 28 дугаар ангийн 19 албан хаагч, хоёр автомашинтайгаар эрэн хайх ажиллагааг явуулж, төөрсөн гэх иргэн Б нь өглөөний 06:54 цагт Баянзүрх дүүргийн 23 дугаар хороо Улиастайн эцэст дүүгийнд ирсэн гэсэн мэдээллийн дагуу эрэн хайх ажиллагааг зогсоосон байна.

Эх сурвалж: www.polit.mn