С.САРУУЛ

Босоо хөх Монгол болон иргэний нийгмийн байгууллагууд Сэлэнгэ аймгийн Мандал сумын нутагт байгаа Ноён уулыг ухуулахгүйн тулд Хэлмэгдэгсдийн хөшөөний дэргэд өлсгөлөн зарлаад 12 хонож байна. Энэ хугацаанд тэдний заримын бие муудаж түргэн тусламжийн машинаар эмнэлэгт хүргэгдсэн. Мөн цагдаа нар  тараахаар хэд хэдэн удаа очжээ. Энэ талаар Босоо хөх Монгол бүлгэмийн гишүүн н.Шинжээ “Монгол улс чимээгүй цаазын ялтай болжээ.Бид өлсгөлөн зарлаад 12 хонолоо чимээгүй л байна. Бидний цахим ертөнцөд тавьж байгаа  мэдээ мэдээллийг  устгаж, хакердаж байна. Биднийг тараах даалгавар “дээрээс” ирж байна. Тэрэндээ цагдаагийн албан хаагчдыг ашиглаж байна.Дүр исгэсэн Ардчилал дарангуйлалаас  доор  гэж асан үнэн үг вэ” хэмээн байр сууриа илэрхийллээ. Мөн өлсгөлөн зарлаж байгаа хүмүүсийг дэмжиж 10 гаруй мянган хүн гарын үсэг зурсан бөгөөд олны танил улс төр, урлаг соёлын хүмүүс ч тэднийг дэмжиж буйгаа илэрхийлсээр байгаа юм. Тэгвэл хүний эрхийн хуульч М.Ичинноров тэдэн дээр очиж өлсгөлөн зарлаж байгаа хүмүүст гэр барих эрхийг нь олгохыг уриалж, тэдний  эрхийг хамгаалахаа мэдэгдлээ.

Эх сурвалж: www.polit.mn