С.САРУУЛ

Манай улсад 2011 онд тээврийн хэрэгслийн хөдөлгөөний аюулгүй байдал, ашиглалтын журмын эсрэг гэмт хэрэг 2875 бүртгэгдэж, зам тээврийн ослоор 362 хүн нас баржээ. Харин өнгөрсөн жил 2143 гэмт хэрэг бүргэгдэж 654 хүн нас барсан нь гэмт хэрэг гарах нь буурсан ч нас барсан хүний тоо хоёр дахин нэмэгдсэн байна. Үүнийг цагдаагийнхан орон нутагт хатуу хучилттай авто зам ихээр баригдаж, тээврийн хэрэгслийн хурд нэмэгдэх болсонтой холбон тайлбарлаж байна. Судалгаагаар хатуу хучилттай авто зам шинээр тавигдсан аймгуудад нас баралтын тоо 50 хувиас хоёр дахин нэмэгдсэн байгаа аж. Цаашид бүх аймгийн төвүүдийг хатуу хучилттай замаар холбох ажлын хүрээнд хяналт тавих албан хаагч, техник хэрэгслийг нэмэгдүүлэхгүй, шинэ технологий нэвтрүүлэхгүй одоогийн байгаа түвшиндээ байх юм бол 2016-2017 онуудад нас баралт 1000 орчим болох төлөвтэй байгаа аж. Өөрөөр хэлбэл 2011 онд өдөрт нэг хүн ослоор нас барж байсан бол 2014 онд өдөрт хоёр хүн болж цаашид өдөрт гурван хүн ослоор хорвоог орхино гэсэн үг юм байна.

Эх сурвалж: www.polit.mn