Ц.БАЯР

Нийтлэлч Б.Баабарын "Бүү март"хэмээх гар бичмэл номын эхний нүүрэнд дээр “ Москвад ч бай Бээжинд ч Монгол хэмээх мөхөж буй ард түмний тухай шог яриа л хэзээ ч бүү моод болоосой. Бидний түүх, соёл, хэл заншлыг,бид өөрснөө л хайрлахгүй бол  биднээс өөр хэн ч хайрлахгүй. “БҮҮ МАРТ. МАРТВАЛ.....? ! 1988 он” гэж бичжээ. Тэртээ наяад оны сүүлчээр Б.Баабарын “Бүү март” хэмээх гар бичмэл, нууц хэвлэлийн шугамаар хэвлэгдэж  олон нийтэд нууцаар  тарсан энэ бүтээл  мянга мянган монгол хүний  улс үндэстнээ гэх ухамсрыг сэрээлцэн, монгол хүн юуг мартах шахсныг эргэн сануулсан ажээ. 1990 оны ардчилсан хувьсгалын уриа дуудлага нь  энэ бүтээл байлаа.“Бүү март XXI” ёслолын үйл ажиллагаа өчигдөр СТӨ-нд боллоо. 

Монголын Улсын анхны Ерөнхийлөгч П.Очирбат, нийтлэлч Баабар, Ерөнхий сайд асан С.Баяр, Гадаад хэргийн сайд асан Ц.Гомбосүрэн нарын хүндтэй эрхмүүд өнөөдрийн ёслолд хүрэлцэн ирсэн байлаа. Өнөөдрийн ёслолын зочны хойморьт тухалсан эрхмүүд "Хүмүүн Хорвоо” нийгэмлэг байгуулж “НЭПКО” хэвлэлийн газартай хамтран "Түүхэн эрхмүүдийн цадиг” цуврал гаргаж байгаа юм. Хувь хүний түүхийг өгүүлэх энэ цувралд Б.Баабарын бичсэн Х.Чойбалсан (хоёр боть), Д.Баярхүүгийн“Ж.Батмөнх”, Г.Дашрэнцэнгийн “Д.Бодоо”, С.Лочингийн “Д.Нацагдорж” гэсэн дөрвөн бүтээл багтсан бөгөөд нээлт нь болсон юм. Энэ үеэр "Бүү март- XXI" хүндэтгэлийн толилуулбар, Баабар зүүдээ зохиол болгож бичсэн нь "60:25 буюу чиний оронд байсан бол..." жүжиг мөн энэ үеэр тайзнаа тоглолоо. Жүжгийн нэрний  “60:25” гэдэг нь нэрт нийтлэлч Баабар 60 нас хүрсэн бол Ардчилсан хувьсгал ялаад 25 жил болсныг бэлгэдсэн ажээ.

Эх сурвалж:www.polit.mn