С.САРУУЛ

Өмнөговь аймгийн  Өмнөговь сумын дунд сургуулийн захирлаар ажиллаж байсан Л нь бусдыг ажилд оруулж өгнө хэмээн хэд хэдэн хүнээс авлига авчээ. Тиймээс авлига авсан, өгсөн хүмүүст тус аймгийн шүүхээс ял оноосон байна. Сургуулийн захирал Л-ээс 100 мянган төгрөг хурааж,таван жил нэг сарын хорих ял оноосон байна. Аевлига өгсөн М-д хоёр жилийн хорих ял,  Б-д нэг жил зургаан сарын хугацаагаар хорих ял оногдуулж, шүүгдэгч П-д нэг жил 6 сарын  ял оноожээ. Харин П-г  Эрүүгийн хуулийн ерөнхий ангийн 61 дүгээр 61.1 дэх хэсэгт зааснаар нэг жилийн хугацаагаар тэнсэж хянан харгалзаж шийдвэрлэсэн байна.

ХААИС-ийн захирал асан Б.Бямбаа нарт холбогдох шүүх хурал дүүргийн эрүүгийн хэргийн анхан шатны хоёрдугаар шүүхэд хэлэлцэж шийдвэрлэжээ.  Шүүхийн шийдвэрээр шүүгдэгч Б.Бямбаагаас  1.000.000 төгрөгийн эд хөрөнгө хурааж, тодорхой албан тушаал эрхлэх эрхийг  хоёр жилийн хугацаагаар хасаж, 5.6 жилийн хорих ял оноосон байна.

Б.Бямбаа нь ХААИС-ийн захирал байх хугацаандаа ажилтнуудынхаа нийгмийн асуудлыг шийдэх нэрийдлээр сургуулийн эзэмшил газраас "Химон констракшин" ХХК-д өгч, ямар ч тендергүй барилга бариулсан бөгөөд  20 байрны үнэнд 1.3 тэрбум төгрөг сургуулиас нэмж шилжүүлсэн байна.

 Эх сурвалж: www.polit.mn