Ц.БАЯР

Ашиглалтын шаардлага хангахгүй болсон нийтийн зориулалттай Баянгол дүүргийн 39 орон сууцыг дахин төлөвлөхөөр болсон байна. Тухайлбал, Баянгол дүүргийн  нэгдүгээр хорооны 10, 11, 12, 13, 14, 15, 16, 17, 18, 20 дугаар байр, хоёрдугаар хорооны 1, 2, 3, 5, 6, 7 дугаар байр, гуравдугаар хорооны 21, 22, 23, 24, 35, 36, 37 дугаар байр, дөрөв дүгээр хорооны 1, 2, 3, 4, 5, 6, 7, 8, 9 дүгээр байруудыг нураахаар болжээ. Цаашдаа  20 дугаар хорооны нутаг дэвсгэрт байрлах нэр бүхий есөн байрыг нурааж дахин барилга барих ажээ. Тиймээс  орон сууцны барилгыг дахин төлөвлөн барилгажуулах төсөл боловсруулж, барилгажилтын ажил гүйцэтгэх  аж ахуйн нэгж, байгууллагуудын дунд сонгон шалгаруулалт зарлаад байгаа юм байна. Төсөл хэрэгжүүлэгч компанийг ирэх сарын 16 гэхэд шалгаруулах ажээ. Өнгөрсөн 2013, 2014 онуудад эхэлсэн Хан-Уул дүүргийн ашиглалтын хугацаа дууссан   “ Нэхмэлийн шар”  нэртэй 20 гаруй байрыг буулгаж дахин барилга барих ажил үргэлжилж энэ оны сүүлээр эхнээсээ ашиглалтад орох төлөвлөгөөтэй  байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.