Э.СҮРЭН

Дэлхийн Эрүүл мэндийн байгууллагын суурин төлөөлөгч Су Нюунт-У, Туркийн Элчин сайд Мурат Карагөз, болон Эрүүл мэнд, спортын яам, Эрүүл мэндийн хөгжлийн төвийн төлөөлөгчид энэ өдрүүдэд Өвөрхангай аймагт ажиллаж байна. Тэд тус аймгийн  эрүүл мэндийн яаралтай тусламжийн үйлчилгээ болон тулгамдсан асуудлуудыг судлах, цаашлаад энэ салбарт чиглэсэн хамтарсан төсөл хөтөлбөр хэрэгжүүлэх зорилгоор ажлын айлчлал хийж байгаа ажээ. Ажлын айлчлалын хүрээнд Хархорин сумын нэгдсэн эмнэлэг, Арвайхээр хотын Эрүүл мэндийн газар, Бүсийн оношлогоо, эмчилгээний төв болон өрхийн эмнэлэгт ажиллаж тухайн бүс нутгийн эрүүл мэндийн асуудлыг авч хэлэлцжээ.  Мөн аймгийн эрүүл мэндийн байгууллагын эмч, ажилчид өөрийн аймагт тулгамдаад буй эрүүл мэндийн асуудлын талаар төлөөлөгчдөд мэдээлэл өгсөн байна. Үүний дагуу яаралтай тусламж үйлчилгээ болон нэн шаардлагатай байгаа тоног төхөөрөмжийн асуудлаар газар дээр нь судалгаа хийжээ. Судалгааны үр дүнд тулгуурлан төсөл хөтөлбөр боловслууран ажиллахаар болсон байна. Дээрх төлөөлөгчдийг Өвөрхангай аймгийн Засаг дарга Д.Тогтохсүрэн хүлээн авч уулзжээ. Тэрээр Монгол Улсын эрүүл мэндийн салбарын хөгжилд анхаарал ханлуулан ажиллаж байгаа явдалд талархал илэрхийлээд цаашид төсөл хэрэгжүүлэхэд аймгийн удирдлагын зүгээс шаардлагтай дэмжлэг, туслалцаа үзүүлэх болно гэжээ.