Т.ДАЛАЙ

МУИС-ийн хууль зүйн сургуулийн багш, өмгөөлөгч Ж.Эрдэнэбулганы зургаар нүүрээ гоёсон “Хуульч news” сэтгүүлийн шинэ дугаар уншигчдынхаа гар дээр очлоо. “Хуульч news” ТББ-аас эрхлэн гаргадаг тус сэтгүүлийн энэ дугаарын зочноор эрдэмтэн зохиолч, нэрт орчуулагч, соён гэгээрүүлэгч Л.Дашням уригдаж хүн мүсний тэнгэрийн тухай сонирхолтой яриа өрнүүлсэн байна. Эдийн засаг хямарч хаа сайгүй хэмнэлтийн тухай ярьж буй өнөө үед давхар цалингийн тухай асуудлыг тус сэтгүүл хөнджээ. Мөн “Бусдын дэмжлэгтэйгээр амиа хорлох” буюу “Үхэх эрх”-ийн талаар хуульч, эмч М.Цэрэнбатын өгүүллийг та энэ дугаараас унших боломжтой. Дэлхийн шилдэг хуулийн 20 фирмийн тунилцуулга, Үндсэн хуулийн Цэцийн дарга, академич Ж.Амарсанаагийн бага насны хөгжилтэй түүх, өмгөөлөгч Р.Нямцэрэнгийн гавьяат хуульч Н.Төрбатын тухай нандин дурсамж энэ дугаарт багтсан байна.   Египтэд бэлхүүсний бүжиг хийдэг хүүхнүүдэд оноосон тусгай татвар байдаг бол Хятадын Тяньжин хот гэр бүлээ батлуулаагүй атлаа хамтран амьдарч буй хүмүүсээс “нүглийн татвар” авдаг байна. Татвартай холбоотой энэ мэт сонин хачин баримтуудыг та энэ дугаараас уншаарай.

Эх сурвалж:www.polit.mn