Т.ДАЛАЙ

Байгаль орчин ногоон хөгжил аялал жуулчлалын салбарын удирдах ажилтны ээлжит зөвлөгөөн өнөөдөр боллоо.  Зөвлөгөөнд БОНХАЖ-ын сайд Д.Оюунхорол, дэд сайд М.Хүрэлсүх болон орон нутгийн байгаль орчны салбарын удирдлагууд оролцов.  Энэ удаа ногоон хөгжлийн бодлого, газар зохион байгуулалт, ус, ойн сан, аялал жуулчлалын менежмэнт гээд салбарынхаа тулгамдаж буй асуудлуудын талаар ярилцлаа. Мөн тусгай хамгаалалттай газар нутаг, ойн бодлого зохицуулалт, Байгаль хамгаалах журмын эсрэг гэмт хэрэг гээд салбар бүрийн удирдах ажилтнууд өнгөрсөн хугацаанд бүтээснээ болон цаашид төлөвлөсөн ажлаа танилцуулсан юм.  Мөн энэ удаагийн чуулганд бүх аймгийн газрын нар болон тусгай хамгаалалттай газар нутгийн  дарга нар иржээ.  Энэ үеэр Өвөрхангай аймгийн БО-ны газрын дарга Г.Баясгалан “Бид ойн нөхөн сэргээлт, цэцэрлэгжүүлэлт гээд ногоон хөгжлийн чиглэлээр олон ажил хийж байна. Нэгэн үе манайх хамгийн олон алтны нинжатай аймаг болж байв.  Одоо энэ асуудал намжсан ч тухайн ухсан газар орныг нөхөн сэргээх том асуудал байна” гэсэн юм.

Эх сурвалж: www.polit.mn