Засгийн газрын хуралдаанаар тариаланчдын  гурилын үйлдвэр болон Тариалан эрхлэлтийг дэмжих санд нийлүүлсэн улаанбуудайн тонн тутамд  урамшуулал олгохоор  болсон. Ингэхдээ нэг тонн улаанбуудайнд 70 мянган төгрөгийн урамшуулал олгож байгаа. Энэ талаар дэлгэрэнгүй мэдээллийг ХХАЯ-наас өчигдөр сэтгүүлчдэд өглөө. Засгийн газраас тариалан эрхлэгч 908 аж ахуй нэгжид нийт 25 тэрбум төгрөг төсөвлөжээ. Энэ үеэр ТЭДС-ийн гүйцэтгэх захирал Н.Ариунболд “Тариаланчдын урамшууллыг энэ долоо хоногт багтааж дансанд нь шилжүүлнэ. Урьдчилсан байдлаар  250 мянган тонн улаанбуудай  хураана гэсэн төлөвлөгөөтэй байсан ч 100 мянган тонноор илүү хураасан учраас төсөвлөсөн 250 тэрбум төгрөгийг тариаланчдад хувааж өгч байгаа. Харин 2013 оны Засгийн газрын тогтоолын дагуу Завхан, Увс, Говь-Алтай аймгийн тариаланчид тонн тутамдаа 105 мянган төгрөгийн урамшуулал авна” гэсэн юм.  Мөн тэрээр төрөөс тариаланчдад урамшуулал олгох зэргээр дэмжиж байгаа учраас улаанбуудайн хэмжээ жил ирэх тусам өсч байгааг онцоллоо.

Эх сурвалж: www.polit.mn