Р.ОЮУН

Энэ сард цаг агаар ямар байх талаар Ус цаг уур, орчны хүрээлэнгийн цаг уурч Ч.Сарантуяагаас тодрууллаа.

-Энэ сард цаг агаар ямар байх вэ?

-Өнөөдөр, маргааш хүйтний эрч бага зэрэг суларна. Харин нөгөөдөр төвийн нутгийн зүүн хэсэг, зүүн аймгуудын зарим газраар бага зэргийн цас орж явган шуурга шуурна. Тал хээрийн нутгаар салхи хүч 7-12 метр секунд байна. 6, 7-нд нутгийн зүүн хагаст, төв, зүүн аймгууд, говийн нутгийн зүүн хэсэг, 8-нд зүүн аймгуудын нутгаар хүйтний эрч бага зэрэг чангарна. Энэ хоногуудад том голуудын хөндий нутгаар шөнөдөө 35-40, өдөртөө 23-28, Алтайн өвөр нутаг болон говийн нутгийн баруун урд талын нутгаар шөнөдөө 15-20, өдөртөө 3-8, бусад тал, хээрийн бүс нутгаар шөнөдөө 23-28, өдөртөө12-17 хэм хүйтэн байна. Бусад хугацаанд хүйтний эрч сулрах төлөвтэй байна.

-Цагаан сарын үеэр цаг агаар ямар байх бол?

-Хоёрдугаар арав хоногийн эх болон сүүлээр нутгийн зарим газраар бага зэргийн цас орж, явган шуурга шуурна. Тал, хээрийн нутгаар бага зэргийн салхитай. Сарын дунд үеэр хүйтний эрч бага зэрэг чангарах төлөвтэй байгаа. Гуравдугаар арав хоногийн эхээр нутгийн зарим газраар цас орно. Говь талынхаа нутгаар салхи 12-14, Алтайн салбар уулс, Арц, Богдын өвөр хоолойгоор салхины хүч түр зуур 16-18 метр секунд хүрч ширүүснэ. Гуравдугаар арав хоногийн дунд үеэр хүйтний эрч бага зэрэг чангарна. Харин сарын сүүлийн хоногуудад хүйтний эрч сулрах төлөвтэй байна.  

Эх сурвалж: www.polit.mn