Ц.БАЯР

Үнэт зүйлс хадгалсан сейфийг барууны кинонуудаас л олж харж байсан.Харин энэ үйлчилгээг Хаан банк нэвтрүүлсэн байна. Монгол улсад анх удаа өндөр зэрэглэлийн гурван давхар хамгаалалттай үнэт зүйл хадгалах үйлчилгээг нэвтрүүлж, харилцагчиддаа санал болгож байна. Үнэт зүйл хадгалах хайрцаг нь  хурууны хээ, нууц үг, олон түлхүүрээр давхар баталгаажигдан хамгаалагдсанаараа давуу талтай. Үнэт зүйл хадгалах энэхүү үйлчилгээ нь  бичиг баримт, үнэт зүйлс, үнэт метал, нөхөн сэргээх эсвэл орлуулах боломжгүй эд зүйлс, мөнгөн хөрөнгө зэргийг гал, усны аюул болон хулгайд алдахаас сэргийлэх найдвартай үйлчилгээ ажээ.Өөрийн үнэт зүйлс, бичиг баримт, бэлэн мөнгөө найдвартай газар хадгалуулахыг хүсвэл төв Хаан банкинд биечлэн очиж үнэт зүйл хадгалах үйлчилгээнд бүртгүүлэх шаардлагатай юм байна. Үнэт эд зүйлсийг найдвартай, нууцлалын өндөр зэрэглэлтэй хадгалж хамгаалах тул хадгалуулсан үнэт зүйлсийнхээ бүрэн бүтэн байдалд санаа зовохгүй, сэтгэл амар байх боломжтой гэнэ.  

Эх сурвалж: www.polit.mn