С.САРУУЛ

Цагдаагийн ерөнхий газрын Зохион байгуулалттай гэмт хэрэгтэй тэмцэх газраас эртний занданшуулсан булш байж болзошгүй зүйлийг иргэдийн мэдээллийн дагуу шалгалт хийж илрүүлсэн билээ. Энэ талаар зарим мэдээллийн хэрэгслүүдээр гэгээнтэн, лам хүний шарил байсан хэмээн албан бус мэдээлэл цацагдаж байгаатай холбогдуулан ЦЕГ-аас хэвлэлийн хурал хийлээ. ЦЕГ-ын хэвлэл мэдээллийн төвийн дарга, хурандаа Б.Баатархүү “Мөрдөн байцаалтын ажиллагаа явагдаж байгаа тул олдвортой холбоотой мэдээлэл нарийн тогтоогдоогүй. Эртний чулуужсан уг олдворыг хэчнээн жилийн насжилттай, хаанаас олдсон, ямар байдалтай байсан гэх мэтийг нарийн шинжилгээгээр тодорхой болгоно. Хууль зүйн яам, БШУЯ-наас хамтарсан ажлын хэсэг гарч, эрдэмтэн судлаачдыг оролцуулсан шинжээчдийн багаар дүгнэлт гаргуулна.Олдворыг муудаж, эвдрэхээс урьдчилан сэргийлж Шүүх шинжилгээний үндэсний төвд хадгалуулахаар хүргүүлсэн.Бүх мэдээлэл тодорхой болсны дараа холбогдох байгууллагууд нь албан ёсны мэдээлэл хийнэ” гэлээ.

Эх сурвалж: www.polit.mn