Т.ДАЛАЙ

“Монголын уламжлалын академи”, “Дэлхийн энх тайвны зөвлөл”, “Дэлхийн энхийн их наадам” ТББ хамтран энх тайвны дээд шагнал гардуулах “Peace award 2014” наадмаа зохион байгуулах гэж байна.  Энэхүү шагнал нь  төр, нийгмийн салбарт томоохон хувь нэмэр оруулж, бусдын сайн сайхны төлөө зүрх сэтгэлээ зориулан эв нэгдэл, энхийн төлөөх үйл ажиллагаа нь олон нийтэд хүлээн зөвшөөрөгдсөн эрхэм хүнд очдог юм.  2011-2013 оны шагналын эзнээр Төрийн шагналт, ардын уран зохиолч Б.Лхагвасүрэн, Дэлхийн энхтайвны зөвлөлийн дэд ерөнхийлөгч, Соёлын гавьяат зүтгэлтэн Д.Цахилгаан, УИХ-ын гишүүн Ц.Нямдорж нар хүртэж байсан юм.   2014 оны энхийн шагналыг цорын ганц хүнд гардуулахаар  судлаач, эрдэмтэн, төр, нийгмийн зүтгэлтнүүд, “Эгэл амьдралын мөр” телевизийн цуврал нэвтрүүлгийн баатраас бүрдсэн комисс ажиллаж байна.  Уг шагналын бэлгэдэл нь энхтайван, амар амгалан, эв эеийн бэлэг тэмдэг болсон Алангуа эхийн  дэлхийн бөмбөрцгийг алган дээрээ  энхрийлэн тэвэрсэн дүр бүхий цом ажээ.

Эх сурвалж: www.polit.mn