Ц.БАЯР

Хайгуулийн тусгай зөвшөөрөл авах хүсэлт, өргөдлийг энэ сарын 26- наас эхлэн Ашигт малтмалын газарт хүлээн авч байна. Өргөдлөө өгөхийн өмнө цахимаар бүртгүүлж дугаар авах шаардлагатай ажээ.  Дугаарын дагуу материалаа өгнө.  Өргөдлийн дагуу тухайн орон нутгаас санал асуулга явуулж нэг сарын дотор хариу өгөх юм байна. Хайгуулын тусгай зөвшөөрлийг олгохдоо цахим болон сонгон шалгаруулалтаар  олгож эхлэхээр бэлтгэсэн гэдгээ Уул уурхайн яамнаас мэдээлж байсан. Цахимаар олгоход тухайн зөвшөөрөл хүссэн байгууллага VPN гэсэн төхөөрөмжийг худалдан авч хайгуулийн тусгай зөвшөөрөл олгох цахим сайт руу холбогдож мэдээллийг тогтмол авах боломжтой болж байгаа юм байна. Өмнө цахимаар зөвшөөрөл олгох ажлыг туршилтаар явуулсан боловч системд мэдээлэл алдагдах гажуудал гарч хакардуулсан тул зогсоогоод байсан. Энэ удаа дахин шинэчлэл хийсэн учраас  системийн алдаа гарахгүй гэдгийг яамныхан хэлж байна. VPN төхөөрөмжийн нэг бүрийн үнэ 280 мянган төгрөг ажээ. Ашигт малтмалын  газрын дугааралтын сүлжээнд  долоон хоног холбогдоход 500 мянган төгрөг, харин сар холбогдоход хоёр сая төгрөгийн үнэтэй ажээ.     

Эх сурвалж:www.polit.mn