С.САРУУЛ

Баянгол дүүргийн долдугаар хороонд махны цахилгаан машинд гараа хавчуулсан гэсэн дуудлаганы дагуу Нийслэлийн Аврах ангийнхан очиход Төв аймгийн Эрдэнэ сумын харьяат дөрвөн настай эрэгтэй хүүхэд баруун гарынхаа сарвуун хэсгийг цахилгаан машинд хавчсан байжээ.   Мөн Баянгол дүүргийн 22 дугаар хороо, Зүүн Ард-Аюушийн 17 дугаар гудамжинд айлын гэр дээр автомашин унаж хүмүүс гэрээсээ гарч чадахгүй байсныг нийслэлийн Аврах ангийн бүлэг очиж аварсан байна. Тэгэхэд “Mazda bongo” загварын бага оврын ачааны автомашинтай жалга руу онхолдож иргэн В-ийн таван ханатай гэрийг мөргөсний улмаас гэрийн хаалга цөмөрсөн, гэр хагас нурсан, гэр дотор  бага насны хүүхэд, насанд хүрсэн хоёр  иргэн гарч чадахгүй байсан аж. Нийслэлийн Онцгой байдлын газарт өнгөрсөн хоногт ирсэн ахуйн осол гэмтлийн дуудлагад гурван  бага насны хүүхэд өртсөн байна. Иймд эцэг эхчүүдийг хүүхдээ хяналтгүй гэрт нь үлдээхгүй байх, зам тээврийн, ахуйн хүрээний осол гэмтлээс анхаарал сэрэмжтэй байж, амьдарч буй гэр, орон сууцныхаа галын аюулгүй байдлаа хангахыг  онцгойлон анхааруулж байна.

Эх сурвалж: www.polit.mn