Б.ЭНХ

Замын цагдаа зөрчил гаргасан эмэгтэй жолоочийг 1500 төгрөгөөр торгоод өнгөрөөсөн тухай мэдээлэл цахим хуудсаар цацагдаж байна. Энэ талаар Замын цагдаагийн газрын Урьдчилан сэргийлэх хэлтсийн ахлах байцаагч Л.Амаржаргалаас тодрууллаа.

-Замын цагдаа зөрчил гаргасан эмэгтэй жолоочийг 1500 төгрөгөөр торгоод өнгөрөөсөн тухай мэдээлэл байна. Энэ талаар тодруулаач?

-Энэ сарын 15-ны өдөр УБҮ 0164 улсын дугаартай автомашины жолооч Н улсын дугаарын хязгаарлалтай өдөр замын хөдөлгөөнд оролцсон байна. Цагдаа зөрчлийг нь хараад зогс гэсэн дохио өгсөн боловч зугтаасан байсан. Дараа нь бичиг баримтаа шалгуулахгүйгээр цагдаагийн ажил үүрэгт хүндрэл учруулсан.

-Арга хэмжээ авсан уу?

-Бичиг баримтыг нь хураагаад авчихсан. Замын цагдаагийн газарт ирж асуудлаа шийдүүлэх ёстой.

-1500 төгрөгөөр торгосон баримт нь байна лээ?

-Цагдаа 1500 төгрөгөөр торгоод явуулсан гэдэг худал мэдээлэл. Түр хураах бичиг болохоос торгуулийн хуудас биш. Хуулийн дагуу арга хэмжээ авна.

 Эх сурвалж: www.polit.mn