Өндөр үнэтэй мэс засал хийлгэвэл хөнгөлөлт үзүүлнэ

Нүүр

Геополитик

Өндөр үнэтэй мэс засал хийлгэвэл хөнгөлөлт үзүүлнэ

2015-01-21

Нийтэлсэн: Админ

1 мин

ХУВААЛЦАХ

ЖИРГЭХ

С.САРУУЛ

Эрүүл мэндийн даатгалын сангаас өртөг өндөртэй зарим мэс заслыг санхүүжүүлэх Эрүүл мэндийн сайдын тушаал гарсан билээ. Тушаалын дагуу өндөр үнэтэй мэс, заслын тусламж, үйлчилгээнд шаардагдах зарим эм, эмнэлэгийн хэрэгсэл, протезийн жагсаалтыг батлан энэ сарын 1-нээс мөрдөхөөр тусгасан. Хэрэв хэрэгжээд эхэлбэл зүрхний төрөлхийн гажиг, бүдүүн шулуун гэдэсний, бөөрний, чих, хамар, хоолойн, гэмтэл, бэртлийн зэрэг мэс засал хийлгэсэн даатгуулагч мэс засалд шаардагдах зарим эмнэлгийн хэрэгсэл, протезийн үнийн тодорхой хэсгийг эрүүл мэндийн даатгалын сангаас төлөх юм байна. Энэхүү хөнгөлөлтөд зориулж энэ оны төсвийн тухай хуулиар 13.4 тэрбум төгрөгийг зарцуулахаар шийдвэрлэжээ. Мөн энэ тушаал хэрэгжээд эхэлбэл өвчтөн эмчийн заалтаар оношлогоо, шинжилгээ хийлгэхдээ 55000 төгрөгийн хөнгөлөлт авдаг байсан бол нэг удаад 165000 төгрөгийн хөнгөлөлт эдлэх боломжтой болох аж. Хөнгөлөлт эдлүүлэх тушаал удахгүй хэрэгжиж эхлэх юм байна.

Эх сурвалж: www.polit.mn