С.САРУУЛ

ХААИС-ийн захирлаар ажиллаж байсан Б.Бямбаа нарын дөрвөн хүнд холбогдох хэргийн шүүх хурал Дүүргийн Эрүүгийн хэргийн анхан шатны II шүүхэд өглөө эхэлсэн ч хойшиллоо. Учир нь улсын яллагч шүүх хуралд хохирогчийн хууль ёсны төлөөлөгчийг оролцуулах хүсэлт тавьж, Шүүх бүрэлдэхүүн энэхүү хүсэлтийг хүлээн авсан байна. Дараагийн шүүх хурал ирэх сарын 4-нд товлогджээ. Б.Бямбаа нь тус сургуулийн өмчлөлийн газарт 2010-2012 онд хувийн хөрөнгөөрөө бариулсан гурван давхар дутуу барилгыг ХААИС-ийн мэдэлд шилжүүлэхдээ дэд захирал Ц.Амарсайханаар хуурамч тушаал гаргуулан, ерөнхий санхүүч Д.Янжмаагаар хууль бус гүйлгээ хийлгэж, “Химон констракшн”, “Ариун ар” ХХК-ийн данс руу шилжүүлж, 808 сая төгрөг гаргуулж авсан. Мөн дээрх гурван давхар дутуу барилгаа Олон улсын хэл судлалын төв гэсэн нэрээр сургуулийн хөрөнгөд бүртгүүлсэн, “Химон  Констакшн”-аар 2009 онд бариулсан орон сууцнаас завшиж хохирол учруулсан гэх хэрэгт холбогдсон юм.

Эх сурвалж:www.polit.mn