С.САРУУЛ

“Гол мөрний урсац бүрэлдэх эх, усан сан бүхий газрын хамгаалалтын бүс ойн сан бүхий газарт ашигт малтмал хайх, ашиглахыг хориглох тухай” хууль батлагдаад  таван жил зургаан сар болж байгаа ч хэрэгжихгүй байгаа учраас ШШГЕГ-т шаардлага хүргүүлж байгаа талаар “Гол нууруудын нэгдсэн хөдөлгөөн”, Онги голын сав дагуу нутагладаг иргэд мэдэгдлээ. 2011 оны аравдугаар сард гарсан дээд шүүхийн тогтоолоор “урт нэртэй” хуулийг хэрэгжүүлэхийг Засгийн газарт даалгасан байдаг. Тиймээс “Гол нууруудын нэгдсэн хөдөлгөөн” болон нутгийн иргэд шүүхийн шийдвэрийг албадан гүйцэтгүүлэх гэрээ байгуулсны дагуу хэрэгжилтийг хангаж ажиллахыг ШШГЕГ-аас шаардаж байгаа юм байна. Онги голын татарсан ус “урт нэртэй” хуулийг батлагдаж хэрэгжиж эхэлснээс хойш сэргэж, нийт талбайн 60 хувь нь устай болоод байгаа аж. Харин УИХ-ын намрын чуулганаар хуульд нэмэлт өөрчлөлт оруулахаар төлөвлөж байгааг иргэд эсэргүүцэж байгаагаа энэ үеэр хэлсэн юм.

Эх сурвалж:www.polit.mn