Ц.БАЯР                                                            

Хүүхдүүд бодит амьдралд аюулгүй орчинд амьдрах эрхээр хангагддагтай адил интернэтийн цахим орчинд бас аюулгүй байдалд байх эрхтэй гэдгийг сайтар ойлгуулах нь чухал байдаг ажээ.  Цахим орчинд аюулгүй байхын тулд хүүхдүүд юу мэдэх ёстойг насны ангиллаар гурав хувааж зөвлөмжийг боловсруулжээ.

Тухайлбал, 5-7 насны хүүхдүүд 

технологитой харьцаж сурах үе нь байдаг. Эцэг эх, эсвэл насанд хүрсэн хүн тогтмол хянаж байх шаардлагатай. Мөн аюулгүй сайтуудын жагсаалтыг гаргах нь зүйтэй. Энэ насныхан мэдээллийг ойлгох хүлээн авч чадахгүй  тул гол зорилго нь цахим  дахь аюулгүй  байдлын үндэс, ёс зүйн ерөнхий ойлголтыг бий болгох хэрэгтэй ажээ. Тусламж хэрэгтэй хамгийн залуу хэрэглэгчидийн бүлэгт энэ насныхан хамрагддаг.

8-12 насны хүүхдүүд 

Энэ үеийнхэн шилжилтийн насныхан байдаг. Тэд интернэтийн талаар анхны ойлголттой, туршлагатай болсон үе. Залуу хүн болж төлөвших насныхан тул тэдэнд ойлгож сонирхсон маш олон асуудлууд байдаг бөгөөд тэрэндээ хариу авах сонирхолдоо хөтлөгдөн одоо байгаа хязгаараасаа давж болзошгүй байдаг. Энэ насныхан аливаа контент болон контактанд  шүүмжлэлтэй  ханддаггүй нь элдэв асуудалд татагдах магадлал өндөр байдаг ажээ.

13 ба түүнээс дээш насныхан 

 Технологийг мэргэшсэн хэмжээнд хүртэл сайн эзэмшиж хэн нэгний хараа хяналтгүйгээр ашигладаг залуу үеийнхэн юм. Шүүлтүүрийн программ ач холбогдол багатай ч нэмэлт үүргээ гүйцэтгэсээр байх болно.Өөрийн хувийн амьдралын  замыг бусдын хараа хяналт оролцоогүйгээр хайж олох, үе тэнгийнхнээ олох гэсэн асар их хүсэл эрмэлзлэлтэй байдаг.  Мөн байгалиас заяасан сексийн асуудлыг сонирхдог хэрэг дурламтгай байдалдаа хөтлөгдөн аюултай байдалд өөрсдийгээ оруулж болзошгүй ажээ. Энэ тохиолдолд тэднийг өөрсдийгөө яаж аюулгүй байлгах вэ гэдгийг ойлгуулах шаардлагатай .Хууль бус болон аюултай контенттэй санамсаргүй тааралдвал юу хийх, айлгасан үед болон өөрийн хувийн мэдээллийг хамгааалах, зохиогчийн эрхийг хүндэтгэх, цахим орчин болон  худалдааны үйл ажиллагаанд оролцоход юуг анхаарах ёстойг эцэг эхчүүд нь зөвлөж байх хэрэгтэй.

Эх сурвалж: polit.mn