Т.ДАЛАЙ

“Ухаалаг Автобус” төслийг ирэх дөрөвдүгээр сарын 1-нээс нийслэлд хэрэгжүүлэхээр болсон. Энэхүү ажлын гүйцэтгэгч БНСУ-ын “Кореа смарт карт” компанийн удирдлагууд Хотын дарга Э.Бат-Үүлтэй уулзаж, хийсэн ажлаа танилцууллаа.  Нийтийн тээврийн хяналт удирдлагын систем, Мэдээллэх систем, Автомат төлбөр хураалт гэсэн гурван дэд төслөөс бүрдэх бөгөөд бэлтгэл ажлаа базааж байгаа аж. Уг төсөлд Монголын талаас “Тор” групп, “Нама-Оч”, “Дата карт” сервис, “Жи-Мобайл”, Худалдаа хөгжлийн банк нэгдэж, “Дата Карт консорциум”-ыг байгуулж “Ухаалаг автобус” төслийг хэрэгжүүлэхээр болсон юм. Уулзалтын үеэр нийслэлиийн Засаг дарга Э.Бат-Үүл “Орос Монгол хоёр улсын хооронд визгүй зорчих болсонтой холбогдуулан Улаанбаатар хотод Оросын жуулчид ихээр ирж байна.  Тиймээс нийтийн тээвэрт цахим систем нэвтрүүлж, шаардлага хангасан автобусаар иргэдэд үйлчлэх нь чухал байна” гэв.  Мөн “Ухаалаг Автобус” үйлчилгээг гэрээнд заасан хугацаандаа хэрэгжүүлэхийг үүрэг болголоо.

 Эх сурвалж www.polit.mn