Ц.БАЯР

Өнөөдөр Монгол Улсын Ерөнхий сайд Ч.Сайханбилэг цалин тэтгэвэр тэтгэмжийг  нэмэгдүүлэх гурван талт хэлэлцээрийн байгууллагын ахлагч нартай уулзаж цалин, тэтгэвэр тэтгэмжийг нэмэгдүүлэх эх үүсвэрийг Засгийн газар, УИХ-ын түвшинд авч хэлэлцэхээр болсноо албан ёсоор хэлж жагсаал, цуглаан зохион байгуулахгүй  байх хүсэлтийг тавьжээ. Тиймээс маргааш буюу 2015 оны нэгдүгээр сарын 16-нд Чингисийн талбайд болох байсан үндэсний хэмжээний жагсаал цуцлагдсаныг МҮЭ-ийн холбооноос мэдэгдлээ.   Нэгдүгээр сарын 6-ны өдрөөс эхэлсэн гурван талт хэлэлцээрийн үр дүнд 2015 оны төсвийн тодотголыг эцэслэн батлагдахаас нэг хоногийн өмнө   Засгийн газраас ийм шийдвэр ггаргалаа. Хэрэв цалин тэтгэвэр тэтгэмжийг нэмэгдүүлэх эх үүсвэрийг төсөвт суулгахгүй бол жагсаал, цуглааныг үргэлжлүүлэх болно гэдгээ МҮЭ-ийн холбооны ерөнхийлөгч Х.Амгаланбаатар мэдэгдлээ. Оны эхнээс эхлүүлсэн гурван талт хэлэлцээрт 51 асуудлыг тусгаснаас хоёр асуудал шийдэгдээгүй үлдээд байгаагийн нэг нь цалин тэтгэвэр тэтгэмжийг нэмэгдүүлэх асуудал ажээ.

Эх сурвалж: www.polit.mn