Т.ДАЛАЙ

Хотын дарга өнгөрсөн жилээс эхлэн бага дунд орлоготой иргэдийг орон сууцжуулах ажлыг эхлүүлсэн. Нийслэлийн Орон сууцны корпораци байгуулж, хэрхэн яаж орон сууцтай болох талаар хөтөлбөр боловсруулсан ч тэр нь цаасан дээр л дурайж байна. Ажил хэрэг, бүтээн байгуулалт нь эхлээ ч үгүй түүхийгээрээ.  Хэрэгжихгүй үлгэр болж байгаа юм байна даа гэхээр  Хотын дарга НОСК-ийн талаар хааяа нэг хурал чуулган зохион байгуулж бал бурам шиг үг хэлэх юм.  Уг нь энэ хөтөлбөрөөр нийслэлийн таван байршилд орон сууц барьж, иргэдийг хүүгүй, урьдчилгаа төлбөргүйгээр байртай болгох боломжтой гэж үзэж байгаа. Иргэдэд бол сайхан л боломж. Гэтэл хэрэгжих гэж нэлээд удах бололтой. Магадгүй энэхүү ажил нь 2016 оны сонгуулийн шоуных нь нэг бололтой. Уг нь тэрээр “Гэр хорооллыг хурдан шиг л орон сууцжуулмаар байна. Тэгвэл хотын олон асуудал шийдэгдэх гээд байна” гэж ярих тун ч дуртай.  Гэтэл эхлүүлсэн ажил нь яст мэлхийн хурдаар урагшилж ямар нэгэн зүйлийг хүлээгээд байгаа мэт сэтгэгдэл төрүүлнэ. Тэгэхээр НОСК-ийн ажил эхлэхгүй байгаа нь сонгууль  хүлээгээд байна уу.

Эх сурвалж: www.polit.mn