Б.ТӨГС

 “Сайхан бүхнийг уриалж Зорилготой залуусийг дэмжин Эх орондоо сайхан амьдарцгаая” уриатай “Аз жаргалын эрэлд” нэртэй реалити шоу тун удахгүй эхлэх гэж байна.Зорилготой залуу гэр бүл нийгэмд үйлчлэх төрийн бус байгууллагаас санаачлан залуу гэр бүлийг дэмжих зорилтот бодит төслийг зохион байгуулж байгаа бөгөөд энэхүү төслийн ерөнхий зөвлөхөөр Шинэ үе продакшны жүжигчин Алтансүх болон “Хишиг энтертайнмент” хамтран ажиллаж байна. Уг төслөөр дамжуулан залуу гэр бүлийн дунд хамгийн ихээр тулгамдаад байгаа орон сууцны урьдчилгаа 50 хувийг шийдэж өгөхөд залуусыг дэмжигч Бэрэн группын “Хангай хотхон”  ерөнхий ивээн тэтгэгчээр оролцож байгаа юм байна.Энэхүү төсөл нь реалити шоу хэлбэрээр телевизээр дамжин залууст хүрэх бөгөөд даалгавар биелүүлэх зарчмаар явагдана.Монгол хэв маяг,ёс заншил, монгол ахуйг илүү харуулж, монгол хүн эх орондоо нийгмийн хариуцлагаа ухамсарлан хэрхэн зөв амьдарч болох боломж байгааг харуулахыг үеийнхээ залууст уриалах юм.

Шоунд 10 залуу гэр бүлийг шалгаруулан оролцуулах бөгөөд нэвтрүүлэгт оролцогч гэр бүлүүд дараах шаардлагыг хангасан байх ёстой.

• 25-аас дээш насны Монгол Улсын иргэн
• 1 буюу түүнээс дээш жил хамтран амьдарсан
• Гэрлэлтийн баталгаатай
• Өөрийн нэр дээр орон сууцгүй
• Гэр бүлийн хэн нэг нь нийгмийн даатгал төлдөг
• Тогтмол орлоготой ба тодорхой ажил эрхэлдэг.

Залуу гэр бүлүүд энэхүү нэвтрүүлэгт оролцсоноороо орон байрны асуудлаа шийдвэрлэхээс гадна өөр бусад тулгамддаг асуудлуудаа идэвхийлэн шийдэх боломжтой юм.

Залуусыг 88091725 : 88092577 утсаар холбогдон амжиж бүртгүүлэхийг уриалж байна.