Ц.БАЯР

Хүн дундаж насаа хэд гэж өөртөө тогтооно тэр хэрээрээ эрт хөгшрөх үү, жам ёсоороо наслах уу гэдэг нь шалтгаалах тухай гайхалтай нэгэн судалгааг Сан Францискогийн Ангаах ухааны сургуулийнхан хийжээ.  Бидний ихэнх нь өтөлж хөгшрөх, овортой харагдахаас айдаг. Бид л хөгшрөлтийг хүсэшгүй муухай, аймаар зүйл болгож бодоод байдаг. Гэтэл энэ чинь амьдралын нэг хэсэг, байх ёстой ердийн л үйл явц, дамжих ёстой үет шат юм. Та хөгшрөхгүй гэвэл өөр яана гэж, ямар хувилбар байгаа хэрэг вэ? Эсвэл та энэ гариг ертөнцийг орхих уу? Яах аргагүй л амьдралынхаа тодорхой үе шат бүхэнд өөрийгөө хүлээн зөвшөөрч аажмаар нас нэмсээр л байна. Ихэнх эмэгтэйчүүд хөгшрөх тухай бодохоороо айж хямарцгаадаг. Нас чацуутныхаа дунд ч хөгшрөх, оворжих гадаад байдалд орох өөрчлөлт гээд олон асуудалд санаа зовинох үзэгдэл бий болдог. Хөгширнө гэхээр үс бууралтаж, арьс үрчийх гэсэн утгатай юм шиг санагдаж магадгүй.Тэгэхээр нас гэдэг генээр хэмжигддэг зүйл биш харин бидний оюун санаанд бий болсон наслах цэг буюу биологийн цаг гэгчээр тодорхойлогддог ажээ. Энэ нь биднийг хэзээ хөгширч эхлэхийг хянадаг байна. Хөгшрөлтийн цаг буюу хэмжүүрийн цэг нь бидний хөгшрөлтөд хандах хандлага хэмээх гол хүчин зүйлийн нөлөөгөөр тодорхойлогддог. Хэрэв та  35 насыг дундаж нас  гэж итгэвэл тэр итгэл таны биеийн биологийн байдалд нөлөөлж та 35 хүрмэгц хөгшрөх үйл явцыг хурдасгана гэсэн үг. Хаанаас ч юм бид яаж хийгээд дундаж нас, хөгшрөх насыг шийддэг. Тэгэхээр та хэдэн насаа дундаж нас гэж шийднэ түүгээр л болох нь гэдгийг судлаачид олон жишээ баримт дээр тулгуурлан хийсэн байна.  Та өөрийгөө 96 жил амьдарна миний  дундаж нас 96 гэж үзвэл тэр болтол эрүүл чийрэг, хөнгөн шингэн, өөдрөг байдалдаа итгэж амьдрах ажээ. Ер нь эрүүл байх л хамгийн чухал. Хүн өөрийнхөө дундаж наслалтыг тодорхойлоод өөртөө гүн итгэж чадвал урт насалж залуу хэвээрээ байх нь.  

Эх сурвалж:www.polit.mn