Б.ТӨГС

Хуучнаар Соёл, спорт, аялал жуулчлалын яаманд хүүхдийн эмнэлэг оруулах тухай яригдаж байсан. Гэвч Онцгой байдлын ерөнхий газраас хийсэн шалгалтын дүгнэлтээр эрүүл мэндийн байгууллагын орчин эрүүл ахуйн шаардлага, газар хөдлөлтийн норм дүрэм зэргийг хангахгүй, мөн эвдрэл ан цав үүссэн гэсэн шалтгаанаар хүүхдийн эмнэлгийн зориулалтаар ашиглах боломжтой гэжээ. Тиймээс Засгийн газрын 10-р байрыг эзэмшил газрын хамт нээлттэй дуудлага худалдаагаар худалдаж, орлогоор нь хүүхдийн эмнэлгийн өргөтгөл барих ажлыг шуурхай зохион байгуулахыг Сангийн сайд, Эрүүл мэнд, спортын сайдад даалгажээ.Мөн хүүхдийн эмнэлэг болгохоор судалж байсан бусад барилга буюу Зам, тээврийн яам, “Монсам” ХХК, Газрын тосны газрын барилга зэрэг нь дээрх зөрчилтэй гарсан байна. Харин “Авто импекс” ХК-ийн барилгыг эмнэлгийн зориулалтаар өөрчлөх боломжтой гэж үзсэн ч тус компанийн хувьцааны 49 хувийг нэр бүхий иргэд эзэмшиж байгаа нь асуудлыг төвөгтэй болгож байна гэж Засгийн газрын  хуралдаанаар хэлэлцжээ. Тиймээс эхний ээлжинд буюу энэ оны нэгдүгээр улиралд багтаан Соёл, спорт, аялал жуулчлалын яам байсан барилгыг зарж, орлогоор нь хүүхдийн эмнэлгийн өргөтгөл барихаар боллоо.

Эх сурвалж: www.polit.mn