Хулгайн анчид хил зөрчжээ

Нүүр

Геополитик

Хулгайн анчид хил зөрчжээ

2015-01-12

Нийтэлсэн: Админ

1 мин

ХУВААЛЦАХ

ЖИРГЭХ

Б.ЭНХ

Хилчид өнгөрсөн амралтын өдрүүдэд хэд, хэдэн зөрчил илрүүлжээ. Сэлэнгэ аймаг дахь хилийн отрядын хариуцсан хэсгээр энэ сарын 10-нд 66 тооны адуу улсын хилд тулсны 44 нь бэлчээрээр хил даван буцаад орж ирэх үед нь хилчид илрүүлжээ. Дээрх адуу нь Сэлэнгэ аймгийн Алтанбулаг сумын II багийн иргэн Г.Өлзий-Оршихынх болохыг тогтоож, захиргааны хариуцлага ногдуулжээ. Мөн энэ өдөр тус хилийн хэсэгт улсын хилээс 200 метрт хулгайн анчид автомашинтай явсныг зогсоосон байна. Завхан аймгийн хилийн отярдын хариуцсан хэсэгт Хонгор усны таг нэртэй газар ан хийхээр явсан морин уналгатай дөрвөн хүн хилийн зурваст явсныг саатуулжээ.

Харин Баян-Өлгий, Сүхбаатар аймгийн хариуцсан хэсэг, хилийн дугаар тэмдгийн чиглэлд энэ сарын 6-11-ний өдрүүдэд улсын хилд бэлчээрээр тулсан 28 тооны адуу, 50 тооны үхрийг хилчид тогтоожээ. Ийнхүү тэд ард иргэдэд учир болох 70 гаруй сая төгрөгөөс урьдчилан сэргийлж чаджээ.

Эх сурвалж: polit.mn