С.УЯНГА

Улс орны боловсрол, эрүүл мэндийн салбарын манаанд зогсож буй багш, эмч, соёл урлагийн салбарын ажилчид цалингаа нэмэхийг шаардаж өнөөдөр Чингисийн талбайд жагслаа. Тэд Хөдөлмөр, нийгмийн зөвшлийн гурван талд хэлэлцээрээр энэ онд цалин, тэтгэвэр тэтгэмжийг нэмэхгүй, нийгмийн хамгааллын зарим зардлыг танах тухай Засгийн газрын тогтоолыг эсэргүүцэж байгаа юм. Энэ үеэрээ эрүүл мэнд, боловсрол, соёл урлагийн салбарын 116 мянган ажилтан жагсаалд нэгдэж байгааг хэлж байв. Тус салбарынхны ажлын ачаалал хэтэрч, цалин хөлс амьдралд нь хаана ч хүрэхгүй байгаа учраас УИХ, Засгийн газар, байнгын хороод, нам, эвсэлд шаардлага хүргүүлж байгаа юм. Тиймээс төрийн үйлчилгээний ажилтнуудын цалинг 60-аас доошгүй хувиар нэмж энэ оны төсөвт тодотгол хийх, нийгмийн хамгааллын хүрсэн түвшинг бууруулахгүй байх зэрэг шаардлагынхаа хариуг энэ сарын 12-ны дотор авах юм байна. Хэрэв шаардлага биелүүлээгүй тохиолдолд маргаан үүсгэж тэмцлийн хурц хэлбэрт шилжинэ гэсэн юм.

Эх сурвалж: www.polit.mn