С.САРУУЛ

Орон сууц болон сургалтын төлбөрийн татварын зөрүүг буцаан олгодог журамтай. Тэгвэл энэ жил материалыг цахимаар хүлээн авахаар  болжээ. Энэ талаар Татварын ерөнхий газрын татварын улсын байцаагч Д.Болор-Эрдэнээс тодрууллаа.

-Татварын буцаан олголтын материалыг цахимаар аваад эхэлчихсэн үү?

- Татварын хөнгөлөлт чөлөөлөлтийн материалыг бол цаасаар авдаг хэвээрээ байна. Харин энэ жилээс хувь хүний орлогын албан татварын тайланг цахимаар авна. Гэхдээ бэлтгэл ажил явагдаж байгаа болохоор одоогоор тодорхой мэдээлэл өгөх боломжгүй байна. Ирэх долоо хоног гэхэд тодорхой болно.

-Тэгэхээр хувь хүний орлогын албан татварын тайлангаа цаасаар өгөхгүй байж болно гэсэн үг үү?

-Эхлээд хувь хүний орлогын албан татварын тайлангаа цахимаар илгээнэ. Мөн цахимаар илгээсэн тайлангаа хөнгөлөлт чөлөөлөлтийн материалтайгаа давхар цаасаар авчирч өгнө. Тайланг  ямар зааварчилгаагаар хэрхэн илгээх талаар ганц хоёр ажил дутуу байгаа. Тиймээс дэлгэрэнгүй мэдээлэл өгөх боломжгүй байна.

Эх сурвалж: www.polit.mn