Нутагт маань эх орны дөрвөн зүг, найман зовхисоос газар газрын цаначин хүүхдүүд зорин ирж Монголын өсвөрийн цаначдын Улсын аварга шалгаруулах Нөмрөг-2015 тэмцээн удахгүй болох гэж байна. Улсын аваргын тэмцээний өмнө мөн аймгийн аварга шалгааруулах тэмцээн бас болох юм байна. Өмнөх жилийн улсын аварга Увс аймгийн Зүүнговь суманд болж тэнд оролцсон баг тамирчдын мэдүүлгээр дор хаяж 10 аймгийн 13 баг, 130 гаруй тамирчид оролцох байх гэсэн урьдчилсан мэдээлэл байгаа ажээ. Энэ удаагийн “Нөмрөг- 2015”  тэмцээний  онцлог давуу тал гэвэл оролцож буй тамирчин 60%-ийн амжилт үзүүлсэн тохиолдолд  Монголын хүүхдийн V спортын 2015 их наадамд оролцох эрх авах юм байна. Энэ нь олон улсад мөрдөгддөг журамаар Олимпийн наадамд эрх авч оролцохтой нэгэн адил мөрдөгддөг болж байгаа юм байна.
 Багийн бүрэлдэхүүнд 2 дасгалжуулагч, 1 албаны хүн, 6 тамирчин байдаг юм байна. Энэхүү тэмцээн нь 3 насны ангилалаар явагдах бөгөөд 1 тамирчин өөрийн насандаа 2 зайд уралдах . Мөн баг бүр 3 насны охид, хөвгүүд тус бүр 1 баг болон 3х2 км, 3х3 км буухиа уралдаанд оролцох гэнэ.
 Монголын цанын холбоо жил бүрийн өсвөрийн цаначдын УАШТ-ээ зохион байгуулах газрыг сонгохдоо тухайн нутаг орны цаг уур, цанын спортын хөгжил, тэмцээнийг нэр хүндтэй зохион байгуулах ур дүй, эдийн засгийн чадамж зэргийг харгалзан холбооны гишүүд, багш дасгалжуулагчдийн санал асуулгаар шийдвэрлэдэг юм байна. Улсын аваргын тэмцээнийг суманд зохион явуулна гэдэг бол маш том ажил, тэр агууллага цар хүрээгээрээ ч энэ спортын том сурталчилгаа, их зүйлийн эхлэл, бааз суурь тавигддаг гэж Монголын цанын холбооны ЕНБД ярьлаа.  
Ингэхлээр сумын ард иргэд,  өсвөр залуу үе маань нэг хэсэгтээ л цанаар амьсгалж,  үзэсгэлэн төгс нутаг усны үүх  түүх, хотогойд ёс, соёл зан заншилаа сурталчлах  нь сум орон нутгийн нэр төрийн хэрэг,  ховорхон боломж гэж  ойлгон хүн бүхэн эрвийх дэрвийхээрээ хичээж тэмцээний ард гарах эрхэм хүндтэй үүрэг, хариуцлага ногджээ.  

 Ерөнхий зохион байгуулагч: Монголын Цанын Холбоо
 Зохион байгуулах хороо:  Нөмрөг сумын ЗДТГ , Албан байгууллага ААН-үүд
 Хамтрагч: ЭМСЯ,  МҮОХ,  Аймгийн ЗДТГ, Спорт хороо, Берлин Олимпийн зөвлөл,    
 Мэдээллийн спонсор: МҮОНТ, ТВ-9,  Numrug.com вэб сайт  

Ýõ ñóðâàëæ: www.numrug.com